నా ఆట వెలది / తేటగీతి పద్యాలు

సమస్యలను పూరించడం జరిగింది
--------------------------------------------
సమస్య :తప్పు చేయకున్న తప్పు యగును
------------------------------------------
ఆ.వె|| మనసు పడ్డ మగువ మనువుకు సైయన
మొదటి రేయి మొగడు మొరటు గాను
నీరస మనుచు చెలి సరసున సరసుపు...
తప్పు చేయకున్న తప్పు యగును

ఆ.వె|| ముద్దు బిడ్డ కూడ హద్దు మీరినపుడు
సుద్ది,బుద్ధి చెప్పి చూడ వలయు
తీరు మార కున్న దేహశుద్ది మొదలు
తప్పు చేయకున్న తప్పు యగును
---------------------------------------------------
ఆ.వె|| కంది పప్పు లేక కందిపోయె ముఖము
----------------------------------------------------

ఆ.వె|| పందికొక్కులవలె బ్లాకులో పప్పును
దాచి వర్తకులు అధనపు ధరలు
పలుక, తెలుగు నాట పండుగ దినమున
కంది పప్పు లేక కంది పోయె
-----------------------------------------
సమస్య
" తే.గీ.|| సకల సంపదలుండియు చాల పేద!! "
  ఆ.వె.||బుద్ధి లేని వాడె బుధవరుండు
------------------------------------------
తే.గీ.|| గ్లామరు సినితారకు వరంగా తలచిన
పడతి తిండి తిప్పలు మాని బరువు తగ్గు
నెపమున సలాడు కూడుగ నెంచి అయ్యె
సకల సంపదలుండియు చాల పేద


తే.గీ.|| ఇంటి నిండ ధాన్యంబులు వొంటి నిండ
బీపి షుగరులు వుండుగ హ్యాపి పోయి
ఉప్పు లేని కూరలు తింటు ఓర్పు గయ్యె
సకల సంపదలుండియు చాల పేద


ఆ.వె.|| బుద్దిగ చదువు కొని వృద్దికొచ్చు నతడు
పదవులందు బాగు నెదుగు నతడు
మద్య దూమ పానమ లనెడు చిల్లర
బుద్ధి లేని వాడె బుధవరుండు
------------------------------------------
సమస్యలు
ఆ.వె||సెల్లు ఫోను వల్ల చేటు వచ్చె
-------------------------------------------
ఆ.వె|| కారు నడుపు నపుడు కాలిఫోర్నియనందు
కాలు చేయరాదు కదయనుచును
మాటు వేసి యుండి మామయిచ్చె రసీదు
సెల్లు ఫోను వల్ల చేటు వచ్చె



ఆ.వె|| సొల్లు కబురులోడ జొల్లుకార్చుకొనుచు
గలగల చెలి తోన పలికినోడు
సెల్లు బిల్లు జూసి గొల్లుమని వగచె
సెల్లు ఫోను వల్ల చేటు వచ్చె  
------------------------------------------
సమస్య
" ఆ.వె.|| ఊరిమేయరయ్యె ఊరుమేయ !! "
------------------------------------------
ఆ.వె|| ఊరున పడి గాలి తిరుగుడు తిరిగెడు...
చదువు సంధ్య లేని వెధవ ఒకడు
నగదు మందు పంచి నక్క జిత్తుల రీతి
ఊరిమేయరయ్యె ఊరుమేయ

ఆ.వె|| దొంగ సార కాచు దోపిడి చేయుచు
నేర చరిత వున్న నేర గాడు
రొక్కములధికముగ నొక్కునెపంబున
ఊరుమేయరయ్యె ఊరుమేయ
--------------------------------------------
సమస్య : ఆ.వె|| చదువు లేక బ్రతికె చక్క గాను
------------------------------------------
ఆ.వె|| పరుగులే ధనమని పదహారున ప్రతిన
బూని టెండులకరు మాని నటుల
పాఠశాల చేసె పదివేల పరుగులు
చదువు లేక బ్రతికె చక్క గాను


ఆ.వె|| పాటె నాకు బ్రతుకు బాటని కాలేజి
విడచి యస్పి బాలు నడక మార్చి
చలన చిత్రమందు కలకల వెలుగుచు
చదువు లేక బ్రతికె చక్క గాను
--------------------------------------------------
సమస్య
" ఆ.వె.||ఎంత వారలైన వింత వారె "
------------------------------------------
ఆ.వె.|| తలలు బోడి యైన తలపు మోడలగునా
శిల్ప శెట్టిని గని శిలల తీరు
వొళ్ళు మరచి తాత కళ్ళు తెరచి చూడ
ఎంత వారలైన వింత వారె


ఆ.వె.|| ఇంద్రియ సుఖములు జయించగలమునులు
అల్ప బుద్ధి కూడి సల్ప విహయ
ములకు మరచి సహనము శపించినయెడల
ఎంతవారలైన వింత వారె


ఆ.వె.|| అంచనాలు మించి వంచన చేసిన
రామలింగరాజు రామరాజు
చేరిరటుల తుదకు చెరసాల సత్యంగ
ఎంతవారలైన వింత వారె
-------------------------------------------
సమస్య
" ఆ.వె.||ఓక్కసారి యివ్వు ఓక్క చూపు"
------------------------------------------
ఆ.వె|| మ్రొక్కెద నిను నీవె దిక్కని వెంకన్న
చెక్కు బుక్కుమరియు రొక్కములని
చిక్కు ప్రశ్న లేవి చిలిపిగ కోరను
ఓక్కసారి యివ్వు ఓక్క చూపు


ఆ.వె|| చిక్కు తెచ్చె బాల చక్కని నీనవ్వు
దిక్కు తోచ లేదె దిగదె మెతుకు
ముద్దు తోడ నాకు ముద్ర లేమి వలదు
ఓక్కసారి యివ్వు ఓక్క చూపు

ఆ.వె|| మాట తప్పి నాను మన్నించు శ్రీమతి
మందు త్రాగ నెపుడు మాట నమ్ము
కనుకరించి నిటుల కరుణతో నావైపు
ఓక్కసారి యివ్వు ఓక్క చూపు
----------------------------------------------------
సమస్య
" ఆ.వె.|| అడవిగాచె వెన్నెలంత యిటుల "
----------------------------------------------------

ఆ.వె|| వడివడిగ కదలక పరుగులు చేయని
జట్టు కీడు తెచ్చి జయము విడువ
కోటి ఈశ్వరులకు కోట్లులు పోవగ
అడవిగాచె వెన్నలంత యిటుల?


ఆ.వె|| వడివడి దడదడగ పడిపడి ఎంసెట్టు
గడగడన చదవగ కడకు లక్షల
ర్యాంకు వచ్చి జల పరంబయ్యెగ శ్రమంబు
అడవిగాచె వెన్నలంత యిటుల?


ఆ.వె|| వున్న పదవి విడచి వుప ఎన్నిక నిలచి
ఫౌరుషమని కోరి పటిమ చూపి
ఓడి పోయి పదవి వూడిపోయి వగచె
అడవిగాచె వెన్నలంత యిటుల?


ఆ.వె|| నీరు లేక చెట్టు నీడ లేక కసిగా
మండె ఎండ కాల్చ మనిషి యందు
కరుణ మాని వాన కడలిలో కురువగ
అడవిగాచె వెన్నలంత యిటుల?


ఆ.వె|| సుందరాంగి ననుచు చులకన వరులను
చేయ వయసు పెరిగి చివర మనువు
ముసలి వాని తోడ ముగియగ చింతించె
అడవిగాచె వెన్నలంత యిటుల?


ఆ.వె.// నీతి మరచి నేటి నేతలు పాలింప
పప్పునుప్పు ధరను పసిడికాగ
బీదబిక్కి మ్రొక్క భీతితో రాతిని
రాతి దేవునిదది రాతి గుండె!
-----------------------------------------

 ఆ.వె|| లోకు పాలు బిల్లు లోకువాయె      
------------------
అ.వె||లోకమున జరిగెడు లోపాలు సరిజేయ...
లోకపాలుబిల్లు నొకటి పెట్ట
పాలకులనగ నది జోకుపాల్ బిల్లని
లోకు పాలు బిల్లు లోకువాయె 
------------------------
ఈ క్రింది వాక్యాలకు పూరణ చేసితిని
ఆ.వె|| విందు చిందులకిదె వందనంబు
-----------------------------------------------------  

ఆ.వె|| అడ్డదారిత్రొక్కి అందలమును ఎక్కి
అందినంతవరకు డబ్బు నొక్కి
మందు మగువ గూడి మనసార చేసెడు
విందు చిందులకిదె వందనంబు
-----------------------------------------------------
తేట|| గెంత గలగిన వానికి వంతెనేల?
ఆ.వె || వెన్న తిన్న వాడె మన్ను తినగ
----------------------------------------------------
తేట|| పాలకడలి వాడికినేల పాల పూజ
కొండనెత్తువాడికి కాదె బండ లెక్క
బూడిదలముకు తిరుగ విభూతి యేల?
గెంత గలగిన వానికి వంతెనేల?
   
ఆవె|| చీరలన్నిదోచి చింతదీర్చు నతడె
వెన్న తిన్న వాడె మన్ను తినగ
నోరు తెరచి చూడ నోట మాటలు రాక
కన్నులార్పక గనె కన్నయను యశోద
------------------------------------------
 ఆ.వె || దిక్కులేనివాడె దేవుడగును 
------------------------------------------
ఆ.వె|| గూడు లేని వాడు కూడు దొరకనోడు
తోడు నెవరు లేని వాడు పసుపు
బట్ట కట్టగానె బాబాయని కొలువ
దిక్కులేనివాడె దేవుడగును
  
ఆ.వె|| మ్రొక్కులన్నియు గని మొరలన్నియును విని
చిక్కులన్ని తీర్చి చింత మాపి
దిక్కులంత నున్న తిక్కశివుడె ఒక్క
దిక్కులేనివాడె దేవుడగును
----------------------------------------------------

 ఆ.వె|| బుధ్ధి లేనివాడు పుణ్యమూర్తి
----------------------------------------------------

ఆ.వె|| వెదవ వేషములవి వెయ్యని వాడును
వేద విద్య బాగ చదివి నొడు
పరుల కొరకు పాటు పడెడివాడును, పాడు
బుధ్ధి లేనివాడు పుణ్యమూర్తి
-----------------------------------------------
      ఆ.వె|| అమ్మ చేతి లోన పసుపు బొమ్మ        
------------------------------------------------------
 ఆ.వె|| అమ్మ చేత లోన నతడొక మరబొమ్మ
పేరు కటుల నతడు పెద్ద నేత
డమ్మి బొమ్మ లాగ డాబు చేసెడు వాడు
అమ్మ చేతి లోన పసుపు బొమ్మ  
=======================================

                            కృష్ణ పలుకు వినగ గెలుపు కలుగు
=======================================
ఆ.వె|| కమరిషియలు జూసి కామము పెంచకు
చీరలిప్పి నెగురు చీరు గర్లు
చూసి వొల్లు మరచి చొంగలు కార్చకు ...
కృష్ణ పలుకు వినగ గెలుపు కలుగు
  

ఆ.వె|| కోట్లు దోచి నీవు కోట కట్టగ నేమి
పట్టు పరుపు పైన పడిన నేమి
కలత లేని నిదుర కలనైన వచ్చునె
కృష్ణ పలుకు వినగ గెలుపు కలుగు


ఆ.వె|| నోరు మెచ్చు తిండి నొప్పదు దేహంబు
బరువు పెరిగి కలుగు నీరసంబు
ఆకుకూర వల్ల ఆరోగ్యము కలదే
కృష్ణ పలుకు వినగ గెలుపు కలుగు


ఆ.వె|| బాకు లాగ పైకి ష్టాకు వెళ్ళు ననిచి
చౌకగ దొరికె నని పైక మిచ్చి
కొన్న షేరు నేల కూల వగచదవె
కృష్ణ పలుకు వినగ గెలుపు కలుగు


ఆ.వె|| కృష్ణ రాయబారి కొనితెచ్చె పోరును
కృష్ణ కమిటి వల్ల కీడు ఏమి
వచ్చు ననుచు వెతలు వలదు గీతను నమ్ము   
కృష్ణ పలుకు వినగ గెలుపు కలుగు


ఆ.వె|| గాలి సోదరులని కలరు, వారికి లేదు
ఉక్కు తనువు,కలవు ఉక్కు గనులు
వారిజోలి తెచ్చు పదవులకున్ ముప్పు         
కృష్ణ పలుకు వినగ గెలుపు కలుగు


ఆ.వె|| సంద్రమును మధించి రంధ్రము వేయగ
ఉప్పునిచ్చిన తిని ముప్పు చేసె
నరుడవె యని చమురు దారలు జల్లదె
కృష్ణ పలుకు వినగ గెలుపు కలుగు

పేదరికము నందు వీడక ఓరిమి
కలిమి వేళ యందు కలిగి కరుణ
వున్న వాడె యగును ఉత్తమ మనుజుడు
కృష్ణ పలుకు వినగ గెలుపు కలుగు