నా కవితలు

====================
     1) తెలుగు పలుకు
====================
---------
ఆలాపన
--------
తెలుగు భారతి మకుటంబున...
వజ్రములై వెలగగా తెలుగు అచ్చులు
ధగధగా మెరయు నగలలో
ముత్యంబులై కాంతులు వెదజల్లగా హల్లులు
తెలుగు తల్లి పదముల సుమములై
వొదుగగా మన తెలుగు పదములు
ఏ కాలాలో, ఏ లోకాలలో, ఏ శ్లోకాలు
వల్లించగా మన నాలుక కు కలిగెనో
తెలుగు పలుకు, పలుకు భాగ్యము!!

---------
చరణం 1
---------
కలువ పూల సొగసు
కమలముల నగవు
రామ చిలుక పలుకు
రమణి కులుకు
తళుకు బెళుకు లెన్నో
కలిగి యుండు పలుకు
తేనె లొలుకు పలుకు
తేట తెలుగు పలుకు
--------
చరణం 2
---------
తెలుగు పలుకు పలుకుగ
మోము దివ్యంగా వెలుగు
తెలుగు పలుకు వినగ
చెవికి హాయి కలుగు
తెలుగు పలుకు చదవగ
యెదన బాధ తొలుగు
తేనె లొలుకు పలుకు
తేట తెలుగు పలుకు
---------
చరణం 3
---------
కడలిలో ఊయలూగు
అలలు వోలె
గాలిలో తేలి యాడు
ఖగం వోలె
హాయి గొలుపు పలుకు
ఆనందపు పలుకు
తేనె లొలుకు పలుకు
తేట తెలుగు పలుకు
---------
చరణం 4
---------
అమ్మ కమ్మని ప్రేమ
నాన్న చల్లని కరుణ
తోబుట్టువుల మమత
కలబోత ఈ పలుకు
తేనె లొలుకు పలుకు
తేట తెలుగు పలుకు
---------
చరణం 5
---------
తెలుగులోన పిలువ
తెలుగులోనె కొలువ
వెలుగులు చిమ్ముతూ
వేలుపులే దిగిరారె
తేనె లొలుకు పలుకు
తేట తెలుగు పలుకు

===========
      2) కూతురు
===========
మా వరాల గారాల తల్లి
అనురాగాల వల్లి
విరిసిన మల్లె పూవల్లె ...
నీ మోమున వెలెసె చిరునవ్వు
తరగని తరాల తృప్తిని మాకివ్వు

అమ్మ నాన్న అనె నీ పిలుపు
మా జీవితాలకు ఓ మేలుకొలుపు
అది చెరగని ఆనందం
మా మదిలో నిలుపు

మా జీవితాలలో నీ రాక
తెచ్చెను ఓ వెలుగు రేఖ
మార్చెను మా నుదుటి రేఖ
తీర్చెను ఎల్లలు లేని కోరిక
కూర్చెను మరు మల్లెల హారిక

నీవు ముద్దులిచ్చిన పొద్దు
మా ఆనందానికి లేదు ఏ హద్దు
నీవు అలిగిన సమయాన
మా మనసు నలిగెను భయాన

నీతో గడిచిన ప్రతి క్షణం
నీతో నడిచిన ప్రతి పదం
హిమమె కురిసె
సుమమె విరిసె

చెరగనె లేదు
మా చెంపలపై
నీ ముద్దుల చెమ్మ
ఆరనె లేదు మా ఒడిలో
నీవు చేసిన తడి
మరువనె లేదు
తడబడి బుడిబుడి
ఆడుగులు నడచిన తీరు
ఇంతలోనె వడి వడిగా
రోజులు గడిచి
వచ్చెనె ఓణీల సంబరం

ఆపైన వేగముగ కాలం గడిచి
ఏ రాకుమారుడొ రెక్కలు కట్టుకొని
మన ఇంటి పైన వాలి
చక్కగా నిను పట్టుకెళ్ళితే
బిక్కు బిక్కు మనుచు
దిక్కు తెలియక రేయి పగలు
మాకు మిగులునె దిగులు
==============
      3) అన్నా హాజారె
==============

అన్నా హాజారె
జోహారు జోహరు
అన్నా హజారె
మీ జోరుకి సర్కారె...
బలదూరె
ఓ అన్నా హాజారె

గుడియె నీకు ఇల్లాయె
జీవితమె బడియాయె
ఉపకారమె ఊపిరాయె
భయం లేని బ్రతుకె నీదాయె

ఓ అన్నా హాజారె
అక్రమాల పేటలకు
అవినీతి కోటలకు
బీటలు వాటిల్లు జేసి
రాజ బాటలు వేయగ
ఊపినావయా బావుటా

ఓ అన్నా హజారె
కరడు గట్టిన ఖైధీలు
కాలంతక హాంతకులు
ఎందరొచ్చిన బెదరని
తిహారు జైలు
నువ్వడుగిడిన ఘడియలోనె
గడగడ వణికెనయ్యా

ఓ అన్నా హజారె
అలుపు లేని వయస్సు నీది
కలుపు లేని మనసు నీది
జన శ్రేయస్సు కోరు తలపు నీది
తుది గెలుపు నీదే కదా
ఓ అన్నా హజారె

ఇంటి నిండ బిడ్డలే భరత మాతకు
అవినీతి తంట వంట పట్టదే శిశివుకు
ఆ తల్లీ! కంటినీరు తుడుపగ నీవు
నడుము కట్టినావాయ్య
ఓ అన్నా హజారె

===============
            4) మేలు
===============
ఫోన్ పట్టి నడుపు
బైకిస్టు కన్నా
గన్ను పట్టి నడిచె...
టెర్రరిస్టు మేలు

విధులందు వెలుగు
ఐయెయస్ అధికారుల కన్నా
వీదులందు తిరుగు
అభిసారికలు మేలు
   
తరుగు దుస్తుల వెలుగు
సితారల కన్నా
చిరుగు చీరల మెలుగు
నిరుపేద తరుణులు మేలు

ఐదు నక్షత్రాల
పూటకూళ్ళ
ఇళ్ళ కన్నా
చరపల్లి జైలు మేలు

రాజధాని
రహదారుల కన్నా
పల్లెటూరు దిగుడు
బావులు మేలు

నేటి రాజకీయ
మంత్రుల కన్నా
నాటి మాయాల
మాంత్రికులు మేలు
 
నగరపు కలుషిత
వాయువుల కన్నా
యమపురిన వదులు
విష వాయువులు మేలు

దీక్షగా అఫీసుల
చుట్టు తిరుగుట కన్నా
యముడు విధించు
శిక్షలు మేలు
====================
5) నేటి వార్తలు (2011)
=============
దూరవాణి వినిన దూరదర్శిని కనిన
దురవార్తలే కాని
మధుర వార్తలు కరువు  

ఓ వైపు
స్కాముల గోలలు
స్వాముల లీలలు
సకల జనుల సమ్మెలు
ఇనుప గనుల దొమ్మీలు 
నేతల రాజీనామాలు
ఆ పై రాజీ డ్రామాలు 
రోజు వారి బంధులు
తాజా ఇబ్బంధులు 
కూలే గాలి సామ్రాజ్యాలు
రాలె గాలి గోపురాలు 

మరో వైపు
ఉద్యమాలలో
అమాయకుల
ఉసురులే పోవు
అయితే    
ఏ నాయకుల 
ఊపిరిలు ఆగిపోవు    

బందు నాడు
మందు షాపులు
బారులు,సినిమా హాల్లు
తెరిచియుండు
బడులు, ఆసుపత్రులు
మందుల షాపులు
మూసి యుండు
 
అధిక సంతానం కలిగిన
భారత మాతకు
ఉత్తర కుమారులే మెండు
అవినీతిపై పోరాటానికి
ఓ వృద్ధ సైనికుడు
కావలసి యుండు

అందుకే
దూరవాణి వినిన
దూరదర్శిని కనిన
దురవార్తలే కాని మధుర వార్తలు కరువు
http://www.siliconandhra.org/nextgen/sujanaranjani/dec11/kavita-1.html

=============================
6) తెలంగాణ మనది రా(2007)

=============================
తెలంగాణ మనది రా
మనం తెలంగాణరా
తెలంగాణ వేరుపడితె
తెలంగాణ ఏర్పడితె ...
బ్రతుకంతా వెలుగే రా
చీకటులు తొలగును రా

బీడు భూములు
మన బీడు భూములు
పాడి పంటలతో వూగురా
కర్షక కార్మిక
కష్టాలు తొలగిపోవురా.

తెలంగాణ
తెలంగాణ మనది రా
మనం తెలంగాణరా
ఎవడువాడు ఎచటివాడు
మన నీరు త్రాగినోడు
మన భూములు దోచినోడు
ఈ దోపిడిలు ఇకపై సాగవురా 

చిల్లర రాజకీయాలు
నేటినుండి చెల్లవురా
తెలంగాణ మనది రా
మనం తెలంగాణరా

ప్రతి గళముది ఒకే పాట
ప్రతి కలముది ఒకే మాట
ప్రతి గుండెది ఒకే సద్దు
ప్రతి అడుగుది ఒకే లక్ష్యం
అదే తెలంగాణ రా
మన వెలుగుల ఠాణా రా
 పసిడి పోలాల కోన రా
తెలంగాణ మనది రా
మనం తెలంగాణరా

తెలంగాణా వీరుడా
తెలంగాణా ధీరుడా
శౌర్యం నీ సొత్తు రా
సమరం నీ వృత్తి రా
తుదిదాక పోరు సలుపు
దరి రానికే అలుపు
చివరి శ్వాస దాక
నీ ధ్యాస తెలంగాణారా
తెలంగాణ మనది రా
మనం తెలంగాణరా

========================================================================
7) ఈ క్రింది లింకులో  ఎడమవైపు menuలో  "కవితా కౌముది" అనె అర్టికల్ లో కృష్ణ అక్కులు పైన క్లిక్కు చేసి "MatruBaasha" పైన వ్రాసిన కవిత చదవగలరు  http://koumudi.net/Monthly/2008/january/index.html
====================================
8) ప్రకృతితల్లీ
==========
ఓ ప్రత్యక్షదేవతా
ప్రకృతిమాతా
క్షుద్భాదకి ఫలం
దాహార్తికి జలం
నిలువ నీడకి స్థలం
ఇచ్చికన్న తల్లీ
కన్న మిన్నయైన
ఓ!! ప్రకృతితల్లీ

నీమది మోదమై
ముదితమై మురిసేవేళ
హిమ ఉషస్సులు
ఇంధ్రధనుస్సులు
విరిసేవిరులు
పారేఝరులు
తరులు గిరులు
సెలయేళ్ళు జలపాతాలు
కానాలు కోనలు
లఓయలు పలు
హొయల సొయగాలతో
రంగుల హంగులతో
మమ్ము అలరిస్తావు
ఆనందింప జేస్తావు

నీ ఉల్లం చల్లంబైన
తరుణంలో
కన్నీరు మున్నీరులా
వరుణిడివై వర్షిస్తావు
లేదా మెల్లగా చల్లగా
తెల్లగా హిమమే కురిసి
ధరచే తెల్లచీరనే
దరింప జేస్తావు

నీయెద విషాధమై
వ్యధభరితమైనవేళ
శవాలైనపువ్వులు
ఎముకలైనవఋక్షాలు
నగ్నమైనకొండలు
భగ్గుమనేబండలు
మండే ఎండలు
ఎడారులు బిడారులు
కావిస్తావు

మరి ఆగ్రహమే
ఆవహించిన వేళ
రాకాసి జోరుతో
పిశాచి హోరుతో
జాలిలేనిగాలులు
ఉప్పెనలు వరదలు
భూకంపాలు సునామీలు
కత్రినా రీటాల పేరిట
వికృత రూపంతో
విలయతాండవంతో
జేస్తావు ఇలాతలం
కళేబరాలనిలయం

సదా ఆగ్రహం మరచి
అనుగ్రహించు తల్లీ !!

ఈ క్రింది లింకిపైన క్లిక్ చేసి చదవండిhttp://www.siliconandhra.org/…/suja…/january2008/prakrti.php

 ==============================

9) ఉగ్రవాదం (2001)

ఏవార్తపత్రిక ఏదూరదర్శన్ ఏది చదివిన ఏది చూసిన ఏముంది విశేషం కీచపు కృత్యాలు రాక్షస నృత్యాలు నీచపు చిత్తులు పిశాచపు వృత్తులు అందలాన అందమైన భవనాలు అంబరాన విమానాలు కలిసి చరిత్రకు మిగిలె శిథిలాలు ఏ పవిత్రతకి ఇవి చిహ్నాలు అల్ ఖైదాలు వన అన్నలు తాలిబనులు సింహాలపులులు చేసేవికావా కంస హింసలు హిరణ్య అరణ్య ప్రక్రియలు మరి వీరంతా వలచినదేమి గెలచినదేమి రక్తపాతం మను జాతి ప్రగతికి విఘాతం ప్రేమను మించిన విల్లంబు శాంతిని మించిన అణు బాంబు లేదని గ్రహించి ప్రతివ్యక్తి నూతన శక్తే వదిలించాలి ఈ ఉన్మాదపు ఉగ్రవాదపు చీడ జగతికి పట్టిన ఈ పీడ ||లోకాః సమస్తాః సుఖినో భవంతు|| ||ఓం శాంతి శ్శాంతి శ్శాంతి: || ఈ క్రింది లింకులో "కవితా స్రవంతి"లో "ఉగ్రవాదం" పైన క్లిక్ చేసి చదవండి http://www.siliconandhra.org/…/sujan…/december2007/main.html#   ===================             ఏన్నికల వేళ(2009)              ==================== బోట్ల ద్వారా వచ్చువారు (Terrorist) వేయు వేటు కన్నా ఓట్ల ద్వారా వచ్చువారు చేయు చేటు మిన్న బుల్లెటు చేయు గాయం కన్నా బ్యాలెట్ చేయు అన్యాయం మిన్న సునామీ కన్నా బినామీల వల్ల ఎకానమీకి కలుగు ప్రమాదం మిన్న రాజ దర్బారు (Assembly) కన్నా చౌకబారు సారాబారు మిన్న జంకుగా రంకు చేయు సాని పలుకుల కన్నా రాజకీయ దొరసానుల పలుకులు అతినీచమన్నా ఎన్నికలు లేనప్పుడు ఎవడిదెంత సొత్తని మొత్తు కొందురు ఎన్నికలప్పుడు చెత్త "నా"యకులు కొత్తగా గమ్మత్తుగా పొత్తులని హత్తుకొందురు ప్రజల బాధలు వినుట కాదు వారి విధులు దేశ నిధులు తినుట ప్రజా ప్రతినిధుల విధులు మనం ఎన్నికలలు కన్నా ఎన్నికల వలన మనకు మిగులు సున్న ఒకటి మాత్రం నిజం అది అతి సహజం మారదు మన సమాజం పేదవాడికి తప్పవు పస్తులు ఉద్యోగి చెల్లించు సిస్తులు నీతి వల్లించు నేత పెంచు ఆస్తులు నా "ఎన్నికల వేళ" కవిత ఈ క్రింది లింకు ద్వారా చదవండి. http://www.siliconandhra.org/…/sujanar…/nov2009/kavita4.html ============================================================ ఈ క్రింది లింకులో  ఎడమవైపు menuలో  "కవితా కౌముది" అనె అర్టికల్ లో కృష్ణ అక్కులు పైన క్లిక్కు చేసి "శ్రీశ్రీ" పైన వ్రాసిన కవితలు చదవగలరు.  http://koumudi.net/Monthly/2009/november/index.html ========================================================== ఈ క్రింది లింకులో  ఎడమవైపు menuలో  "కవితా కౌముది" అనె అర్టికల్ లో కృష్ణ అక్కులు పైన క్లిక్కు చేసి "RTC" పైన వ్రాసిన కవితలు చదవగలరు.   http://koumudi.net/Monthly/2010/january/index.html =========================================== Above 50 వాళ్ళకు మాత్రమే  -------------------------------------- యాబై దాటిన నవ వృద్ధ యువకులారా ఐదు పదులు దాటాటనికి ఎక్కువ సమయమే పట్టింది కాని ఆరు పదులు దాటటానికి చాలా తక్కువ సమయం పడుతుంది.       పెద్ధలను, వృద్ధ తల్లిదండ్రులను గౌరవించె తరం మనదే చివరిది కావచ్చు.   కరోనా ఆగమనం, వృద్ధుల పట్ల ఓ శాపం అవుతుందేమో   ఇకపై, అరవై దాటినవారిని విమానాలలోనికి, పెళ్ళిలకు, పార్టీలకు,   అనుమతించకపోవచ్చు మనవల్లను, మనవరాలిని తాకనివ్వకపోవచ్చు ఉమ్మడి కుటుంబాలు కూడ గగనం కావచ్చు         ఇవ్వన్ని మనకి జరగకపోతే ఆనందం ఒకవేళ జరిగితే వలదు ఆశ్చర్యం       బాల్యం చాల భారమైనది ఆ భారం చాల వరకు తల్లిదండ్రులు మోసేస్తారు.         యవ్వనమునూ చాల భారమైనది ఆ భారం కొంతవరకు మిత్రులు, సింహాభాగం భాగస్వామి మోసేస్తారు. వృద్ధాప్యం చాల భారమైనది ఆ భారం ఎవరు పంచుకోరు నీవే మోయాలి   పదవి విరమణ కోరె సమయానికి   మనం సైన్యంగా భావించిన మన కాళ్ళు, కళ్ళు, కీళ్ళు, ఒళ్ళు అన్ని కూడా అలసటను ప్రకటిస్తాయి. మీ భాగస్వామి కూడా మునుపటి ఊషారును కోల్పోయి విరామం కోరవచ్చు.     మరియు తెలియని దొంగలు బిపి, షుగరుల రూపంలో   దేహంలో చొరబడతాయి. క్షణం కూడా సెలవు తీసుకోని గుండె సమాచారంలేని భూకంపంలా ఏ క్షణంలోనైనా బంద్ (Stroke) ప్రకటించవచ్చు. పదవివున్న కాలంలో లాగా   ఉదయాన్నే కాఫీ, టీలు సమయానికి అందకపోవచ్చు అడిగితే ఏం ఎక్కడెకెళ్ళాలి అగలేవా కొంత సేపు అనే ఈటే లాంటి మాటలు రావచ్చు. కావున సహనం చాలా అవసరం సత్కారములను, చీత్కారములను ఒక చమత్కారాముగానె స్వీకరించాలి సన్మానమును, అవమానమును సమానంగానె భావించాలి. ఒకరు పలకరించారని ఉప్పొంగిపోకు ఇంకొకరు విస్మరించారని కృంగిపోకు   ఆంటె ముసలి వాళ్ళంతా మూసుకొని కూర్చొవాలా ముసుగువేసుకొని పడుకోవాలా కాదు... మన బలాలు నెరిగి మసలు కోవాలి. అవధులను లేదా పరిధి తెలుసుకోవాలి.   మనసు - అసంతృప్తి = స్వర్గం మనసు X కోరికలు = నరకం   కావున..   దేనిపైన వలదు ఆరాటం వృధా ఇకపై నీ చెలాగాటం దేని కొరకు అసలీ పోరాటం   వలదు ఏ సంకోచం వలదు ఏ సందేహం సృష్టించకు ఏ సంక్షోభం     ఉపనిషత్తులలో చెప్పినట్లు   తామారాకు పైన నీటి బింధువులా (Detached) వుంటూ మన గమ్యం చేరాలి                                  ====================== పుట్టిన రోజు ===================== ఒకడిగా లోకానికి రావడం ఒకడిగా శోకాన్ని వదలి వెళ్ళడం పుట్టిన నాడు ఏడిస్తే అందరు నవ్వారు గిట్టిన రోజు అందరు ఎడ్చారు. పుట్టిన రోజు దీపం ఆర్పేరు   కేకును కోసేరు, కేకలు వేశెరు   గిట్టిన రోజు దీపం పెట్టేరు    కేకలు పెడుతూ ఎడ్చేరు   పుట్టిన నాడు ఆస్తులు  ఎలా పెంచాలని  తల్లి దండ్రుల వేదన     గిట్టిన నాడు ఆస్తులు   ఎలా పంచాలని   పిల్లల వాదన      జీవితము కాదు ఒక బూటకం అయితే అది ఒక నాటకం ఏదో తెలియని మన గమ్యం దానికై నిత్యం మన గమనం ఆ క్రమంలో..  చదువులు పదవులు కలలు, కళలు మధురమైన ఘడియలు ధైర్యంగా వేసిన ఆడుగులు కలయికలు వీడ్కోలు   ఆశలు, నిరాశలు   పెరిగె బంధాలు తరిగె అనుబంధాలు ఇలా ఏన్నో పొందెదం పుట్టిన దినం మధురమైనదే అయితే అది తెలుపును  పెరిగే వయసును తరిగె ఆయుస్సును   =========== కరోనా-3 ============= నీవల్ల జరిగే చాల దారుణాలు సంభవించే పలు మరణాలు "తుమ్మితే ఊడిపోయే ముక్కుయని" ఒక సామెత, కాని "ఎవడొ తుమ్మితే లేచిపోయే ప్రాణాలు మావని"   నీవు తేల్చావు   మా మనసులో ఒక భావం మా ముఖంలో ఒక హావం నీకు నచ్చలేదేమో మా మూతులకు ముసుగు బిగించావు మా చేతలు మంచి కావని తలచావేమో ఘడియ ఘడియకు మా చేతులు కడుక్కోనేలా చేశావు   మా సినిమాలలో ఘాడ చుంబనాలు   బిగి ఆలింగనాలు మితిమీరినవని తలచావేమో మాకు సామాజిక దూరంను   విధించావు. అయితే నీవు జనాలకు క్రొత్త జీవనవిధానాన్ని కూడా నేర్పించావు సినిమాలు సీరియల్స్ పబ్బులు పబ్బాలు పెళ్ళిళ్ళు పార్టీలు హోటల్సు ప్రయాణాలు లేకపోయిన బ్రతకగలరని తెలిపావు మందు లేక పోయినా ప్రజలు బ్రతుకగలరు కాని ప్రభుత్వాలు బ్రతుకలేవని నిరూపించావు. ==================== **ఉగాది 2020** ==================== ఏమని వ్రాయను ఉగాది కవిత అగమ్యగోచరమని అనిపిస్తుంది మన భవిత   కరోనా చేసెను అందరిని దివానా కరోనా కాదు కేవలం ఒక వలయం ఇది మహా ప్రళయం జగనా తాండవించు ఘోర విలయం   కనిపించకుండా వినిపించకుండా పదునాలుగు రోజులు అఙ్ణాతంలో వుండి ప్రతాపం చూపె కర్కశపు పిశాచి కరుణ లేని ఈ కరోనా         నిన్నటిదాక అమెరికా, దుబాయ్ నుండి వచ్చిన వారిని ఎగాదిగా ఎగబడి చూసెవాళ్ళం నేడు!! వారు కనబడగానె దిగులుగా దూరంగా పరిగిడుతున్నాం   ఒక నెల రోజులలో ఎంత మార్పు   ఆగినా విమానాలు మరల ఎగురునా ప్రేక్షకులతో స్టేడియంలు నిండునా బంధు మిత్రులతో సంబరాలు జరుగునా జనాలు యాతరలు, జాతరలని తిరగగలరా       ఏమో!!   గుట్కా ఖైనీ ప్రకటనలో లాగ ఏది గతంలాగ వుండదేమో దేవుని దయవల్ల త్వరలో కరొనా మరణితే జగతికంతా ఉగాది శుభకాంక్షలు!!!             ======================                       **కరోనా!..1.** =========================   ఇంటర్ చదివేటప్పుడు కరోనా యనగా సూర్యుని చుట్టవున్న వలయమన్నారు.    అమెరికాకు వెళ్ళితే కరోనా యనగా చక్కని మెక్సికన్ బీరు అన్నారు.   ఇప్పుడేమో చైనా వాడు  గబ్బిలాలు మింగితే వచ్చిన మాయాదారి రోగమంటున్నారు. ముక్కు, నోరు మూసుకొని చక్కగా చేతులు కడుక్కోమంటున్నారు.       అయితే ఓ! క్రొత్త  కరోనా!... ఊహించలేనిది నీ విజృంభణ పెట్టినావు జగతికె హైరానా     కులం లేదు మతం లేదు పేదలు లేదు ధనికలు లేదు అందరు నీకు సమానమే   ఆ దేశమని ఈ దేశమని సరిహద్దులు లేవు అన్నీ నీకు ఆధీనమే   అయుధాలు పట్టలేదు బాంబుల దాడిలేదు ఫిరంగులు మోతలేదు అసలు యుద్ధమేలేదు కాని వేల శవాలను పైకి లేపావు.   కాని ఇది మూడవ ప్రపంచ యుద్ధమని అనవచ్చునేమో ఇందులో అన్ని దేశాలు ఒక వైపు కోరొనా నీ ఒక్కటే మరోవైపు   నీవల్ల కరచాలనం ఆలింగనం అంటే భయమాయే నమస్కారమే ప్రియమాయే   స్కూల్స్, మాల్స్ సినిమాలు, గుడులు బంధయ్యె       విమానాలు, ప్రయాణాలు  రద్దాయే కాని మా ఆఫీసు మూత పడలేదు   కరోనా!.ఓ..కరోనా!.. అన్నీ రోగాలలో నీవె మిన్న ఏది జగతిని ఇంతగా వణికించలేదు "రోనా (ఏడుపు) కలిగించలేదు" ==================== సంక్రాంతి శుభాకాంక్షలు -2020 ====================   నగరంలో..   భోగికి వెళ్ళాలంటూ భోగిలన్ని నిండిపోయే బస్సులన్నీ జనాలతో రస్సువల్ల జోరుగా కదలలేకపోయే  బారులు బారులుగా దారులంతా కారులతో నిండిపోయే   పల్లెలో...   పల్లె పిలుస్తూంది తల్లి కలవరిస్తూంది పిల్లలు పండుగకు రావాలని   మధుర బావాలతో నిదుర మరచి బావల కొరకు ఎదురు చూసిరి సొగసరి భామలు   మొద్దుగా యేడాదంతా పనిచేసి గాదెలు నింపిన ఎద్దుల (అప్ప్రిసల్ లాగ) కొమ్ములకు రంగులు ఒళ్ళుకు బురికిల హాంగులు   లెక్కపెట్టి చుక్కలెట్టి సుమ పథంలా ఒక ముగ్గు రాముని రథంలా మరొ ముగ్గు మరొ మగువ మనస్సు పెట్టి వేసె ఇంద్రధనుస్సు    కొత్తదైన కట్టుచీర చుట్టుకొని పట్టరాని ఆనందంతో పనిమనిషి   కొత్తదైన పట్టుచీర కట్టుకొని సొట్టలు పెడుతూ భర్తపై పట్టరాని కోపంతో ఇంటి యజమానురాలు   ముగ్ధలా ముచ్చటగా రంగు రంగు పూలతో ప్రతి ముంగిట కొలువుతోరిన గొబ్బెమ్మ మాకు శుభములిమ్మా యనుచు శృతిలో పాడుచు లయలో ఆడుచు  పడుచుల ప్రార్థనలు    మగవారు..   వందలు పోయి కొట్లలలో జరుగు కోడి పందెంలు   గెలిచి కోడికి జీడిపప్పు చకోడీలు ఓడిన కోడితో రాత్రికి పకోడీలు   గెలుపు ఓటములతో  సంబంధం  లేకుండా అందరుకలిసి త్రాగిరి   మందు సుఖానికైనా ధు:ఖానికైనా       మందు.. మందే!! ***************************** ** నాన్న పైన ప్రేమతో, భక్తితో** ***************************** బ్రహ్మకు, అమ్మకు మధ్యన నిచ్చెన నాన్న యని ఓ కవి ఉవాఛ!!   నాన్నా!! నీ గుండెలపై ఎగురుతూ ఆడుకొంటె ఆనందిచావు తిరునాళ్ళళో బొమ్మాలాట కనపడకపోతే, నీ భుజాలపై నన్ను మోస్తూ,   సంతోషంతో నేను చప్పట్లు గొడుతూవుంటే,     ఆట నీకు కనబడకపోయిన నన్ను చూస్తూ ఎంతో మురిసిపోయావు.       "దానవీర శూర కర్ణ" సినిమా చూపించమని గోల చేస్తే   తీసుకెళ్ళి, ముందు సీటు వాడి తల అడ్డువస్తే, మూడు గంటలు నన్ను నీవడిలో కూర్చుపెట్టుకొని సినిమా చూపించావు. ఇప్పుడు తలచుకొంటె "ఎన్‌టియార్" కన్నా నీవె గొప్ప హీరో అనిపిస్తూంది.     నే కోరినది కొనలేక...కొనలేనని నీవు అనలేక   నేను చేసిన రణాలు, అందుకొరకు నీవు చేసిన రుణాలు అపైన నువ్వు సతమైన క్షణాలు,   ఇంకా గుర్తున్నాయి నాన్నా....     నువ్వు తిడుతున్నప్పుడు తెలియలేదు.. చెడు నా దగ్గరికి రాకుండా బిగ్గరగా అరుస్తూన్నావని.     నా చెంప పగలి కొట్టినప్పుడు తెలియలేదు... నా తలపులలో పెరిగె చెడు కలుపు తీస్తున్నావని,   నా నడతలో, మాటల్లో లోపాలను సరిజేస్తూన్నావని...   ఉదరంలో ఎంతబాధ వున్న అధరంపైన మధురమైన దరహాసమునే నిలిపావు తొలిసారి బీరు కొట్టి వచ్చినప్పుడు, పక్కింటి పద్మావతికి ప్రేమలేఖ వ్రాసినపుడు, అమ్మా, నా వీపు విమానం మ్రోగించి, రాని నాన్న, ఈరోజు నీకు వుంది యని బెదిరించి ఏడుస్తూనే వుంది.       భయంతో వొణుకుతూ ఓ మూల పడుకొన్న నాకు మీరు రావడం, అమ్మా శోకంతో అంతా వివరించడం లీలగా తెలుస్తూంది.   నీ అడుగుల ధ్వని దగ్గరయ్యే కొద్ది, ఒంట్లో వొణుకు మరింత పెరిగింది.     వచ్చి మీరు తల నిమరడంతో, బలిచ్చే మేకకు   పసుపు కుంకుమ వ్రాస్తూన్నట్లనిపించింది.   "నాన్నా భోంచేశావా" యని అడిగారు. "లేదంటె" అన్నం కలుపుకొచ్చి నాకు తినిపించారు.     తరువాత దగ్గరకు తీసుకొని "నాన్నా ఈ వయస్సులో అమ్మాయిల పట్ల, అలవాట్ల పట్ల ఆకర్షింప బడడం సహజం. ఒక మొక్క పెరిగె సమయంలో మేకలు తినేసి,   ఆ మొక్కకు ఎదుగుదల లేకూండా చేస్తాయి. అదే మొక్కకు కంచెవేసి రక్షిస్తే, అది మహా వృక్షమై ఆ మేకలకు ఆకులను, నీడను ఇస్తూంది. ఈ వయసులో ఈ ఆకర్షణలు మేకలులాంటివి. ఇప్పుడు వాటికిలోనైతే నీ చదువు, భవిషత్తు పతనమవుతుంది. అలా కాకుండా ఈ ఆకర్షణలకు లొంగక విగ్రహనికున్న నిగ్రహంతో చదువుకుంటె ఈ పద్మావతికన్నా అందగత్తెలెందరో నీ కొరకు వస్తారు. ఇదివిన్న తరువాత కూడ నీకు మందు త్రాగలనిపిస్తే చెప్పు ఇద్దరం కలిసే త్రాగుదాం" యని చెప్పారు. మీ మాటలు విన్న తరువాత "ఇక మీదట అలా చేయనని" మిమ్మలిని కౌగిలించుకొని ఏడ్చిన క్షణాలు గుర్తున్నాయి నాన్నా.  ఆలా కాకుండా మీరు నన్ను చితకబాదివుంటె నాలో కనువిప్పు కలిగేదికాదేమో.                       ఏ వయస్సుకు తగినట్లు ఆ వయస్సులో నాకు తగు శిక్షణ, రక్షణ ఇచ్చిన మీరు గ్రేట్ నాన్న.   పొగిడితే ఆయు:క్షీణమవుతుందని   మన ముందు ఒక్క మాట కూడ పలుకకుండ   మన వెనక గంటలు గంటలు మనగురించి చెప్పే రెండాక్షరాల వ్యక్తి, శక్తి 'నాన్నే'!!     ================= New Year 2020 ================= గత యేళ్ళు ఏమి ఘనంగా గడవ లేదు పెద్ద నోటు రద్దు వూరు చేరని నల్లధనం ఒక దేశం - ఒక శిస్తు నిలపలేదు పస్తులు   పెంచలేదు ఉద్యోగాలు ఆపలేదు ఆర్థిక మాంద్యం పెట్రొలు ధరకు కంట్రోలు లేదు ఉల్లి వెల అందనంత దూరలకు వెళ్ళి పోయె     ధరలకు లేదు తాళం బ్రతుకు చేరె పాతాళం ఇవి మభ్యపెట్టేందుకు పౌరసత్వ వివాదాలు   వీధులంతా నినాదాలు   డిల్లీలో గాలి దొరకదు చెన్నైలో నీరు చేదు   హైదరబాదులో భూకబ్జాలు అన్ని రకాలుగ పంచభూతాలకు   ఏవో అవంతరాలు ఊహించలేను భవిషత్తు ముందు ఎలా వుండునో విపత్తు అందుకే వణుకుతూ ఆహ్వానిస్తూన్నా 31న క్రొత్త మత్తును ============= దిశ గాధ ============= దశ దిశలు తాకి దిశ గాధ ఎన్నో ఎదలలో వేదనలు రోదనలు రేకెత్తించె     పశువులను స్పర్శిస్తూ పరామరశిస్తూ, వాటి   గాయాలను నయంచేసె ప్రేమమూర్తిని, హేయంగా హీనంగా, హూనంచేసి ప్రాణమున్నపుడే కననం చేసిన దురాత్ములను   జంతువులతో రాక్షసులతో పోల్చి వాటిని/వారిని అవమానపరచలేము. ఎందుకంటే... ఆకలయితే గాని సింహాం వేటాడదు. జంతువు చనిపోతెగాని అది భుజించదు ఏ పూరాణంలోను ఏ రాక్షసుడు ఒక ఇంతిని తగలపెట్టిన ఆనవాళ్ళు కనపడవు ఒంటరి అమ్మాయిని కవుంటర్ చేసిన తుంటరి వెదవలకి ఎన్‌కవుంటర్ సరియా అంత సునాయస మరణమునకు వారు అర్హులా? సరి కారు సరి కారు...... అందువలన  అపరిచితుడు చేసినట్లు -------------------------------- అంత్:కూపం (run over by wild animals) కూంభిపాకం (Roasing in hot oil tank) క్రిమి భీజనం (Insects are left intruding the body) భోయోగ (Biting by poisonous insects and animals) షర క్ర్థమం (Torture the life orgrans) కుంతసూతం (stinging by insects like scorpions) వంటి నూతన శిక్షలు వేయాలి. ------------------------------------'  దాపరికం మరియు ఢాంబికం (Trump Visit 2020) ------------------------------------ ప్రతి దేశంలో శ్రీమంతులు పేదవారు వుంటారు ధనిక వర్గాల కాలనీలు బీద ప్రజల గూడెంలు (స్లమ్)  వుంటాయి. కాని ఎవరో వస్తారని పేదల నివసాల చుట్టూ పరదాలు కట్టరు. కాని మన నేతలు  తీరు వేరు మన దగ్గర వున్న మురికి వాడల బ్రతుకుల మార్చే  పస లేక  ఆ కంపు ట్రంపు కు కనపడకుండా  గోడలు కట్టారు.   ఎవరి కొరకు ఎందుకు కొరకు ఈ దాపరికపు లేదా కపట బ్రతుకు గోడలోపల నివసించే వారికది  అవమానం కాదా వెలివేసినట్లు కాదా ఏ తప్పు చేయని వారి మనో భావాలు దెబ్బతీయడం నేతల నీచమైన చేతలకు తార్కాణం కాదా ఎవడో వస్తే రోడ్లకు మరమ్మతులు రంగులతో వీదులకంతా   హంగులు కాని   వచ్చేవాడు, పరరాజ్యాన్ని జయించి విజయంతో వచ్చే  మన సార్వభౌముడు కాడు వేల మందిని సన్మార్గంలో నడిపిన పరమహంస కాడు మరి... ఎందుకు? కోటి మందితో ట్రంపుకు ఆహ్వానం అయితే ఇంత మంది సమయం, ఖర్చులు వృధా కాదా?  దీనివల్ల జిడిపి పెరుగునా రైతుల వెతలు తీరునా యువకుల బతుకులు మారునా ఎందుకు ఈ ఢాంబికాలు. (Note:  ఇది సామాన్యుడిగా నా వెత మాత్రమే. ఏ పార్టీని విమర్శించడం ఉద్దేశం కాదు)  ============== ట్రంపు Visit 2020 ============== వచ్చాడయ్యో ట్రంపు జరిగె బారి ఊరేగింపు ఎటు చూసినా జనాల గుంపు దాచిరి మనవారు మన కంపు దారిపొడవునా నిలబడిరి  మన జనాలు కాని కలగలేదు మనకే  ప్రయోజనాలు  H1-B గురించి ఊసే లేదు UNOలో మన చేరిక పై ఆశే లేదు వర్తక అభివృద్ధి పై ధ్యాస లేదు కేవలం వారి రక్షణ పరికరాలు అమ్మి పెట్టె మార్కెట్ మాత్రమే మన దేశం   మొదటి రోజు ట్రంపు చేసె స్టాడంప్ కామెడీ తదుపరి రోజు వారి కుటుంబ సేవలో తరించరి మన PM మోడి ఉత్తరప్రదేశ్, తెలంగాణ  CMలకు పిలుపు డిల్లీ ముఖ్యమంత్రి పై ఏవగింపు మన నేత  మరిచారు దేశమంటే కాదు కేవలం గుజరాత్ దేశమంటే భారత్ ఏమయితేనేం ట్రంపు ట్రిప్ గురించి అందరూ అనిరి ఓహో ఆహా అందుకొరకు 100 కోట్లు స్వాహా ============= దొంగలే- దొరలు ---------------- నాడు బ్రిటిషు దొరలు కొహినూరు వజ్రాన్ని విలువైన సంపదలను దోచుకెళ్ళారు. నేడు మన సంపదలను దోచుకెళ్ళిన   వజ్రాల  వ్యాపారులను కాదు, దొంగలను  దొరలుగా చెలామణీ  అయ్యేలా గౌరవిస్తున్నారు భ్రిటిషు దొరలు బ్రిటిషు దొరలు దోచుకెళ్ళినా  దోచుకెళ్ళిన వాళ్ళని      దొరలను చేసినా మనకే నష్టం. ============= what's up నియంత్రణ ============= చాల విషయాలలో నన్ను నేను నియంత్రించుకోవాలని  ధ్యానం చేయ్యాలని మౌనంగా వుండాలని  అనుకొంటాను  కాని నా వాలకం శునకపు వాలం లాగ వుంటుంది    చెత్త కవితలు వ్రాసి అన్ని గ్రూపులలో  కుమ్మరించ కూడదని  అనుకొంటాను.  వాటికోసం వచ్చే   కామెంట్స్ కొరకు కన్నులను  పెట్రమాక్స లైట్స చేసి  చూడకూడదనుకొంటాను.     మాఇంటిలోని చెత్త పక్కింటిలో వేయడం తప్పని తెలుసు. అలాగే ఎవరెవరో  పంపే (what's up)  విడియోలు, మేసెజులు నేను చూడకనె, చదవకనె     మరొకరికి పంపి వారి టైమును, ఫోను స్పేస్ ను  వృధా చేయడం  అనైతికమని తెలుసు.    ఇతరుల posts లకు కామెంట్స్ చేస్తూ  నా posts లను విస్మరించె మిత్రుల పట్ల నాలో ఉద్వేగం, ఉద్రేకం   పగ పట్టిన త్రాచులా లేచుచున్నది తెలుసు.    అయ్యో what's up  దూరపు మిత్రులను కలిపినా కనపడని మిత్రుల మధ్య వినపడని యుద్ధాలకు    దారి తీస్తూన్నావె   ----------------------- ముగింపు సరి కాదు ------------------------  ఈ మే మాసం ఈ వేసవి కాలం   పరీక్షలు, మార్కులు, ర్యాంకుల కాలం వికెట్లు, సిక్సులు, గెలుపుల కాలం కోట్లు, ఓట్లు, విజాయాల కాలం అధిక కోట్లు తీసుకొని   అత్యుత్తమ ఆటగాళ్ళు   ఉన్న జట్టు (RCB in IPL),  అట్టడుగున నిలిచినపుడు  వారెవరు, బలవంతంగా అంతమవ్వలేదు.   కోట్లు పెట్టి సీట్లు కొని కోట్లు పంచి ఓట్లు కొని వెళ్ళెదరు కొందరు అధికారంలోకి  మరి కొందరు అంధకారంలోకి  కాని, వారెవరు బలవంతంగా అంతమవ్వరు.     నిర్మలముగా  నిష్కల్మషంగా  నిజాయితీగా చదివి దీక్షగా పరీక్షలు వ్రాసి  ఇతరుల ఆశ్రద్ధ వలన,  అసమర్థ వలన మార్కులు, ర్యాంకులు తగ్గితే అంతేనా,  మీరు అంతమవ్వాలసినదేనా   అది... తప్పు ఓటమి నీలో పెంచాలి తెగింపు  ఆంతే కాని,  పలుక రాదు  నీ ముగింపు.      ************** ధృవపత్రం ***************  బోరుకొడితే బీరు త్రాగేవు  బాధ గలిగితే బ్రాంది త్రాగేవు విసుగు పుడితే విస్కీ త్రాగేవు సంతోషం కలిగితే స్కాచ్ త్రాగేవు వీటితో పాటు రింగులు వదులుతూ దాటిగా, ఘాటుగా, పొగ పీల్చేవు, చాటుగ ఊపిరి తిత్తులు కాల్చేవు,  ఒక్క పోటుతో గుండెను పేల్చేవు   కారకిళ్ళి, మిఠాయికిళ్ళి, జరదా కిళ్ళి సరదాగా నమిలేవు   ఆపై నోరు, గొంతు  కుళ్ళిపోతే  కుమిలి కుమిలి వగచేవు  ఇదంతా దేశసంపద  పెంచడానికదా యని   డాంబికాలు పలికేవు  డాబు, దర్పం చూపేవు   అయితే క్రింది విధముగా  "వస్తే రానీ క్యాన్సర్, పోతే పోనీ లివర్  పగిలి పోనీ గుండె, రగిలి పోనీ లంగ్సు  శిథిలం అవ్వనీ శరీరం, పతనం అవ్వనీ కుటుంబం పెళ్ళాం పుస్తేలే తెగనీ, పస్తులతో పిల్లలు చావని  కరిగిపోనీ అస్తులు, మిగిలి పోనీ అస్తికలు  రక్తమే కక్కనీ, నరాలే తగనీ  బెదరక, చెదరక, వణకక, తొణకక సేవిస్తా మద్యం, ఆశ్వాధిస్తా దూమపానం యని "  ఒక ధృవ పత్రం వ్రాసి, గోడకు తగిలించు.  నీవు వీరుడవయితే, ధీరుడవయితే,   వీర నారివయితే, ధీరవనిత వయితే,   రోజు ఆ ధృవపత్రం చదివి తరువాత  సేవించు ధూమపానం, మధ్య పానం  ================    లక్ష్మీదేవి ================  అమ్మా లక్ష్మీదేవి నిజంగా నీవు దేవతవా లేదా కేవలం కాగితానివా కొందరు ఎన్ని దుర్మార్గాలు చేసిన అవినీతి చేసిన, హత్యలుచేసిన అక్రమాలుచేసిన, వారిదగ్గరే బానిసలాగ వుంటావు, చెడుకార్యాలు చేయడానికి దోహద పడతావు. దుర్జనులనుండి నుండి నీవు పారిపోతే  సజ్జనులకు నీవు దగ్గరయితే  ధరిణిలో చెడునెవ్వరు తలచెదరు.    నీ అండ వుండడం వలననె కదా  మాపియాలు, దాదాలు, గుండాలు అవినీతి అధికారులు, సామాన్య మనిషికి  వొణుకు పుట్టిస్తూన్నారు.  చెడు చేయువానిచెంత నేనుండనని నీవు ఎంచిన దినమున  ధరణిలో సత్యకాలం మొదలవదా. ధరలో జరిగె చెడుకు  ముఖ్య కారణమంటె    నీవే యంటె  అతియోశక్తి కాదుకదా!! ====================== ======== అమ్మా =======  నేను రాకమునుపు... పొద్దు పొద్దుకు అద్దంలో చూసుకొంటూ   మురిసిపోతూ,  అద్దం వద్దన్నా, విసుగుకొన్నా   నిన్ను నువ్వు ముద్దు పెట్టుకొంటూ   అద్దానికి ఎంగిలి రాసెదానివంటా      నేను వచ్చాకా... పొద్దులెరుగక ముద్దులన్ని  నాకె ఇస్తూన్నావని  అద్దాన్ని మరిచావని   కసిగా నన్ను చూస్తూ   అద్దం అసూయ చెందుతుంది.     నేను రాకమునుపు... నాన్న తల తుడిచి, జుట్టుదువ్వి,  షర్టుకు బటన్ పెట్టి  ముద్దులిచ్చి, ఎదురువచ్చి  నాన్నను ఆఫీసుకు పంపెదానివట  నేను వచ్చాకా... నాకు పౌడరేసి, బుగ్గన చుక్కపెట్టి రకరకాల బట్టలేసి నన్ను చూస్తూ, మూరిసిపోతూ   నాన్నను విస్మరిస్తూన్నావని  నాన్నకు ఎక్కడో చిరుబాధతో కూడిన   గొప్ప ఆనందమట  నేను రాక మునుపు...     జలుబుకి, దగ్గుకే హాంగామా చేసి  అమ్మమ్మను కంగారు పట్టేదానివట  బారెడు పొద్దెక్కినా బద్ధకంగా  నిద్ర లేచెదానివి కాదట         నేను వచ్చాకా..    నాకు చిన్న అనారోగ్యం చేస్తే  దిష్టి తీస్తావు, సామ్రాణి వేస్తావు  డాక్టరువై నువ్వే వైద్యం చేస్తావు    రేయంతా మేలుకొని నన్నే చూస్తుంటావు    నేను రాక మునుపు...      ఎవరు పాటపాడమన్నా, కథ చెప్పమన్నా   సిగ్గుతో మొండెకేసెదానివట  నేను వచ్చాకా..      ఓ గాయనిగా మారి, పాటలు పాడి నా ఏడ్పును మాన్పి, నవ్విస్తావు   ఓ టీచరుగా మారి, కథలు చెప్పి నన్ను నిద్రపుచ్చుతావు.         నా కోసం నీకిష్టమైన కొలువుకు కూడ  వీడికోలు పలకడానికి సిద్ధమయ్యేవు.      నాకోసం ఏందుకు ఇన్ని అవతారాలెత్తుతావో   ఇంత త్యాగం చేస్తావో   తెలియదు అయితే దీనికి బదులుగా   నేనేమి ఇవ్వగలను కేవలం "అమ్మా"యని  నిన్ను పిలవడం తప్ప     ---------------------- నువు వస్తావని   ---------------------- నా కోసం నువు తప్పక వస్తావని తెలుసు కాని ఎప్పుడో వస్తావో తెలియదు. నువ్వు వచ్చేది పగలా, రాత్రా,  నిద్రలోన, మెలుకవలోన యని తెలియని ఒక కుతూహలం.    నీరాక ముందుగా తెలిస్తే యుద్ధప్రాతికన   అన్ని సిద్ధం చేయాలనిపిస్తుంది     కాని..     నీరాకకై ఎదురుచూసే నేను  నువ్వు వచ్చే సమయం తెలిస్తే  బెదరకుండా, భయపడకుండా   వుండగలనా, వుండలేను అలాగే మావాళ్ళు నీకు హాయిగా  స్వాగతమివ్వగలరా! ఇవ్వరు.  కావున చెప్పకూండానె రా!!     ప్రతిదినం నా రణం   జీవించడానికి నడిస్తే            నా ప్రతిక్షణం  నిను చేరే తరుణంవైపు    పరుగెడుతుంది        మధ్యాహ్నానికి బిర బిర  పరుగిడిన భానుడు  చివరికి ఒరిగిపోతాడు     కావున అస్తమించె సమయం   అస్త్రాలు విరమించె సమయం   వస్తూందని తెలుసు.      అస్తమించిన తరుణంలో  అవరించిన ఆ తిమిరమును  తొలగించుటకు దీపం వెలిగించాలి     అందుకే..! పుట్టిన రోజున వెలిగే దీపాలను ఆర్పుతారు. గిట్టిన రోజున పగలె మలగని దీపమును  తలదగ్గర వెలిగిస్తారు.     అసహాయస్థితి నన్ను ఆక్రమించక మునుపె      రుగ్మతలు నన్ను ప్రేమించక మునుపె     ఒంటరితనం నన్ను ఓడించక మునుపె  నువ్వు రావడమే నయం   నీ ఆశీర్వాదమే నాకు అభయం     నువ్వచ్చాక..!! తెల్లని రథంలో స్వర్గానికి వెళ్ళతానో  నల్లని యమభటూలతో కాలపురికి వెళ్ళతానో    నిజానికి అది నాకనవసరం !!!!

HAPPY FRIENDSHIP DAY
----------------------
నేడే స్నేహితుల దినం
సన్నిహితుల దినం

అన్నదమ్ములతో
ఎర్పడునది
రక్తబంధం

పిల్లలు
తల్లిదండ్రులతో
ఎర్పడునది
పేగుబంధ
ం
ఇల్లాలితో
ఎర్పడునది
పోగుబంధం

కాని..
ఏ బంధములేకుండా
గోత్రం, వర్జ్యం,
రాశి, ముహుర్
తం గతం, మతం
కులం, బలం
అస్తులు, అంతస్తులు
ఇవి ఏవి చూడకుండా
దొరికె చెలిమి
బ్రతుకున మనకు
కలుగు గొప్ప కలిమి

అన్ని అందరితో పంచుకోలేం
అత్మీయతను పెంచుకోలే
ం ఒక్క స్నేహితులతో తప్ప
ఒక్కొకసారి తల్లి దండ్రులు
పిల్లల విషయాలను వారి
friends ద్వారా తెలుసుకొంటారు.

బాధలతో కృంగిన వేళ
అవమానంతో తల వొంగిన వేళ
భుజం తట్టి, అందించే హాస్తం
దైవంతో సమానం ఆ నేస్తం

శత్రువుల కలవాడికన్న
మిత్రులు లేనివాడు
మిక్కిలి దురదృష్టవంతుడు

కాలం గడిచెకొలది
స్థితులు మారెకొలది
దూరం పెరిగె కొలది
మునుపటి నెయ్యం
తరగకుండ
అనుబంధం
చెరగకుండ
ఓ స్నేహం వుంటె
అది ఎంతో భాగ్యం
మరెంతో సౌఖ్యం

ఆ గది (Home quarantine)
-------------------------------------
సుపరచితమైన గది
సురక్షితమైన గది
అలసిన వచ్చిన వేళ
సేద దీరనిచ్చిన గది
భాదతో వచ్చిన వేళ
ఓదార్చిన గది
సెలవు దీనాన మక్కువగా
ఎక్కువగా
గడపాలనుకొనె గది

మరెందుకో.
. ఈ రోజు
ఆగది అంటె
భయమేస్తుంది.

పదనాలుగు రోజులు
గృహ నిర్భంధం
(home quarantine) కన్నా.
పదునాలుగేళ్ళు వనవాసం మేలుకదా..
అక్కడ వనమంతా తిరగవచ్చు.

నిజానికి పదనాలుగు రోజులు
గృహ నిర్భంధంకాదు
అది గది నిర్భంధం
(room quarantine)
నిజానికి అదొక దిగ్బంధం

ఒకే ఇంటిలో వున్న
ముఖాలు చూసుకొలేని పరిస్థితి
అవసరాలకు సెల్లు ఫోనులోనె భేటి

ఆకలేసిన వేళ
గది తలుపు వైపే చూపు
శబ్ధం వినగానె
భోజనం వచ్చిందని
ఆనందం
తలుపు తీయగానె
ద్వారం ముందు
భోజనం వున్న కంచం.

తిరిగె ఫ్యాన్,
వెలిగె లైట్
మేమున్నాం అని చెబుతున్నా
రోజులు గడిచె కొద్ది
నాలుగు గోడలను
చూస్తూ ఎదో భయం
మొత్తం మీద
నా quarantine
ఒక నూతన అనుభవం.

------------------------------
====నూతన వర్షం (2021)====
------------------------------

గడచిపోయే ఇంకో సంవత్సరం
నడచివచ్చే మరో సంవత్సరం

గోడపైన నున్న క్యాలండర్
దిగాలుగుంది.
క్రొత్త క్యాలండర్ గోడ వైపు
చూస్తూంది.

గత రెండు వర్షాలు (years) తెచ్చె
రెండు తరంగాలు(waves)

బతకని వాళ్ళు
'చితికి' పోయిరి
బతికినవారు అసుపత్రి
బిల్లు వల్ల చిల్లులుపడి
చితికిపోయిరి

లేదు పెట్రొలు
ధరకు కంట్రోలు

లేదు ధరలకు తాళం
చేరె బ్రతుకు పాతాళం

మన బతుకుల్ని
మార్చేంత ఇంద్రజాలం
మారే కాలమునకు
లేదని మనకు తెలుసు

కాని..
నడిరేయి వచ్చే ఈ సంబరం
ఏదో నూతన ఆరంభం
ఇస్తూంది యని ఒక ఆశ

నిజమే
ఆశే కదా మనిషిని నడిపిస్తోంది!
ఆశే కదా బతుకును శ్వాసిస్తోంది!

అయితే బతుకు భారాన్ని
కాలం మీదికి నెట్టకు
కాళ్ళూచేతులూ ముడుచుకొని
మంచి కాలం ముందుందని
కాలయాపన చెయ్యకు

ఏమరుపాటుగా ఉంటే
తప్పదు నివ్వెరపాటు
అపేయ్ పురాతన విషాద గీతం
పాడయే నూతన కిరాకు గీతం

తొలగనీ పాత భయాలు
కలగనీ క్రొత్త జయాలు

అందరు మంచే ఎంచాలని
అందరికి మంచే జరగాలని
ఆశీస్తూ, ఆకాంక్షిస్తూ
డెందం నిండా ఆనందంతో
నా ఈ నూతన వర్ష శుభాకాంక్షలు

*సంక్రాంతి పండుగ 2022*
********************

రైతు ఉద్యోగ ప్రకటనలు
------------------------
కావాలి : వరి పండిచే రైతులు (100000 ఉద్యోగాలు)
అనుభవం :3 సంవత్సరాలు

కావాలి : కూరగాయలు పండిచే రైతులు (200000 ఉద్యోగాలు)
అనుభవం :4 సంవత్సరాలు

కావాలి : ఆవులు మేపే కురాళ్ళు (50000 ఉద్యోగాలు)
అనుభవం :2 సంవత్సరాలు

పండించే రైతులు కరువై
పై ప్రకటనలు వచ్చే రోజులు
ఎంతో దూరంలో లేవు.

సరే...
మన సంక్రాంతి పండుగకి వద్దాం

ఇది రైతుల పండుగ
యేడాదంతా మొద్దుగా పనిచేసి
గాదెలు నింపిన ఎద్దుల పండగ
(appraisal for bullocks)

అందుకే
ఎద్దుల కొమ్ములకు రంగులు
ఒళ్ళుకు బురికీల హాంగులు
అలా అలంకరించి జరుపుకొనెదే
ఈ Thanks giving పండుగ

భోగీకి ఊరు చేరాలని
భారంగా సాగే బోగీలు,
కిక్కిరిసిన బస్సులు,
దారుల నిండ
బారులు తీరిన కారులు

వడి వడిగా పల్లె చేరాలని
పిల్లల గుండెసడి
చేరువైన పిల్లలను చూసి
తల్లుల కంటతడి

ముద్దమందారంలా
ముగ్ధ సింగారంలా
వయ్యారంగా
లెక్కలు కట్టి
చుక్కలు పెట్టి
హిమ ఉషస్సులో
ఇంద్రధనుస్సులా ఓ ముగ్గు
సుమ పథంలా ఓ ముగ్గు
రాముని రథంలా మరొ ముగ్గు

అలా వీధులంతా
వెల్లువయ్యె
రంగు రంగుల
రంగవల్లులు

అయితే మారే కాలం
చేసే ఇంద్రజాలం వలన
పల్లెలలో వచ్చెను
ఏన్నో మార్పులు

హారిదాసులు
గంగెరెద్దులు
నేడు కనరాం

నేటి మగువలకు
మచ్చుకైన నచ్చకపోయె
అచ్చమైన గొబ్బిళ్ళ పాటలు
పచ్చిగా పచ్చిగా
పిచ్చిగా మెచ్చి రాయే
ఊ.. అంటావా
ఊహూ.. అంటావా
యనెడి పాటలు

నమ్మిన భూమిని
అమ్మగా తలచి
నాగలి పట్టి
సాగును చేసి
నారును పోసి
పైరును చేసి
స్వేదం జల్లి
సేద్యం చేసి
వైద్యం తీరున
కలుపును తీసి
గిట్టుబాటు ధర అందక
పెట్టుబడి పోయాక
ప్రభుత్వాల చేయూత లేక
వరి పండించే రైతు
ఉరికి గురి అవుతున్నాడు.

పత్తి రైతు తల దగ్గర పత్తి
దీపపు వొతై వెలుగుచున్నది
పురుగుల మందు పంట పురుగును
చంపలేక పోయింది.
కాని తాగిన వెంటనె రైతును
చంపేసింది.

ఉదయం లేసింది మొదల
త్రాగే కాఫీ, కట్టే బట్ట
తినే టిఫిన్, బిరియాని అన్నీటికి మూలం రైతు
కావున రైతే మన రియల్ హీరో

అయితే అప్పు కట్టలేనప్పుడు
ఇంటి కప్ఫుకు వేలాడడం తప్ప
విదేశాలకు ఎలా తప్పుకోవాలో తెలియని
అమాయకుడు
అనామకుడు
అర్భకుడు
మన కర్షకుడు

మాయలు చేసే రీల్ హీరోలను
రియలు హీరోలుగా తలచి
చీకటి మార్కెట్‌లో సినిమా టిక్కెట్ ధరను
పెంచమని ప్రభుత్వాలపై గొంతు చించుకొనె
మనం, వీర ఘనులం, ధీర జనులం
అలాంటి మనం,
రైతుకెమైన చెయ్యగలమా!!!
ఆలోచిద్దామా!!!

రైతును గౌరవిద్దాం
చేతనైన చేయూతనిద్దాం
జై కర్షకుడా, జై అన్నదాత
ఇవే ఇవే మా సంక్రాంతి శుభాకాంక్షలు

--------------------------------------

* ఏమి మారింది *

పూర్వం 

సామంత రాజులు

సార్వభౌములకు

కప్పం కట్టెవారు

అందుకొరకు

ప్రజలు పస్తులున్నా సరే

సామంత రాజులు

సిస్తు కట్టమనేవారు

ఆవిధంగా

సామంత రాజులు

సార్వభౌములు

ఇద్దరు  క్షేమం,

కాని..

ప్రజలకు మిగిలింది

మాత్రం క్షామం

నేడు చక్కని వర్తమాన

ఆర్థిక వ్యవస్థ అమరికను,

తల్లక్రిందులు 

చేస్తూంది అమెరికా

సార్వభౌములు

కప్పం కట్టమని 

ఆదేశించిన తీరుగా

నేడు..

ఆగ్రరాజ్యం జాత్యహంకారంతో

అన్ని దేశాలపై వడ్డించింది

సుంకాల మోత

ఫలితంగా

కుదేలైన మార్కెట్లు 

ఊహించని ఇక్కట్లు

ఎటుచూసిన చీకట్లు

సలపలేని ఊపిరి

నిన్నటి సంపద 

నేడు ఆవిరి

తన మాట వినని 

దేశాలపై, వారి

వెన్ను విరిగెలా 

మరిన్ని పన్నులు

ఇదంతా 

ఆగ్రరాజ్య నేత 

చేస్తున్న లోభం,

అది, ప్రపంచానికి 

మిగిల్చెను

తీవ్ర సంక్షోభం

మౌనం వహిస్తున్న 

విపక్ష డెమాక్రెటులు,

నోరెత్తని రిపబ్లికన్సు,

"హండ్సాప్ ట్రంప్" 

యను, నినాదాలతో, 

రోడ్డలపైన 

సాధారణ ప్రజలు

ఎటుచూసిన కనబడని

ఆశారేఖలు,

అలుముకొన్న నిరాశలు,

నిస్పృహలు,

రేపు బాగుంటుందని

లేని భరోసా

యుగాలు మారిన

ఈ జగనా, 

ఏమి మారింది

బలవంతుడు

బలహీనుని 

వేధించె తీరు 

మారలేదు

--------------------------

* ఉగాది 2025*

            

రంగుల రాట్నం గిరగిర 

తిరిగినట్లు, 

దినములు బిర బిర తిరిగి

ఉర్కుంటూ వచ్చె    

మరో నూతన తెలుగు వర్షం

అందువలన..

ద్వారములకు  

బంతిపూల హారములు,    

పసుపు కుంకుమల  

అలంకరణములు,  

మావిడి తోరణములు, 

అలా, గుమ్మాలకు వొదిగె      

చక్కని ఆభరణములు   

లిప్‌స్టిక్ వేసుకొనెందుకు

సమయంలేని వనితలు,

ఇంటి ముందు అతికించిరి 

ప్లాస్టిక్ ముగ్గులు   

షడ్రుచుల భోజనములు

సంప్రదాయ వస్త్రధారణములు 

చేనేత, కాటన్ చీరలు 

ఎంబ్రాయిడరి సొగసులు

టెంపుల్ లేదా టెర్రకోట

జ్యువెలరీలు, 

అలా, ఎటు చూసిన 

అందరిలో ఉత్సాహమ్ను 

ఉత్తేజమ్ను నింపింది

మన ఉగాది     

అయితే..

ఒక ఉద్యోగి, రాబోయే 

ఆర్థిక సంవత్సరానికి,  

సాధించవలసిన, goals 

వ్రాసుకొన్నట్లు 

 

ప్రతి ఒక్కరు 

ప్రతి ఉగాదికి  

సాధించవలసిన

కొత్త ఆశయాల జాబితా 

వ్రాసుకొంటాము   

 

మరి చివరిలో

ఏమి సాధించామో 

బేరీజు వేసుకొంటున్నామా? 

కష్టం, నష్టం

సుఖం, దు:ఖం  

తీపి, చేదు  

ఇవి జీవితంలో

సాధరణమని 

తెలిపె తత్వమే  

మన ఉగాది పచ్చడి 

యొక్క గొప్పతనం  

అయితే..

యెన్నో ఏళ్ళుగా 

ఉగాది పచ్చడిని  

సేవిస్తున్న మనం

ఎంతవరకు, మన 

ఉద్వేగాలను

ఉద్రేకాలను 

నియంత్రించుకొన్నామో?   

కమ్మే చీకట్లనీ 

చిమ్మే వెలుగులనీ

నిజంగానె  

సమదర్శనం చేశామో?    

ఉగాది, ఉగాదికి

ఎంత ఉన్నతంగా 

ఆలోచిస్తున్నామో?

మానసికంగా ఏమి 

పరిణితి చెందినామో?  

మంచిని పెంచుకొని

ఎందరికి పంచుతున్నామో 

ఎప్పుడైనా 

బేరీజు వేసుకొన్నామా?        

బేరీజు వేసుకోక పోతే 

ప్రతియేడు, ఉగాది 

జరుపు కోవడంలో 

అర్థముందా?  

 

నూతన అదృష్టాని 

ఇస్తానని

కొత్త సంవత్సరం  

భరోసా ఇవ్వదు 

పంచాంగం ప్రకారం 

గ్రహములు, చక్కని గృహములలో 

అమరినవో, లేవో,  

అదాయం, వ్యయం 

రాజపూజ్యం, అవమానం

అధికమో, అల్పమో 

యనె, విషయాలు విని 

అటు పొంగిపోకుండ

ఇటు కృంగిపోకుండ  

అవి దిక్సూచిగా, 

చక్కని సూచికగా 

జీవితంలో భావించి  

ఆచితూచి, అడుగులు 

వేసుకొంటు గెలవమనె 

గాని..

కళ్ళు మూసుకొని 

కాళ్ళూచేతులూ ముడుచుకొని

మంచికాలం ముందుందని

కాలయాపన చెయ్యమని కాదు 

ఏమరుపాటుగా ఉంటే 

తప్పదు నీకు నివ్వెరపాటు

కావున..

కష్టపడితే పోయేదేముంది

బ్రదర్ అనుకొని,  

ఒక్కసారి కాదు

వందసార్లైన కష్టపడటాన్ని

ఇష్టపడుతూ   

బద్ధకాన్ని  

బద్దలు కొట్టెయ్    

భ్రమలు తొలిగించేయ్  

శ్రమను ప్రేమించేయ్  

గేలి చేసిన చోట

చూపించు గెలిచి నీ ఆట   

చదువును నమ్ముకున్నవాడు

కష్టమును ఇష్టపడినవాడు

ఓడిపోయినట్లు, చరిత్రలోనే లేదు   

 

పాత భయాలు పారిపోనీ   

క్రొత్త జయాలు తరలిరానీ  

 

అలా.. ఈ విశ్వావసు

ఈ విశ్వములో, అందరు  

ప్రేమ అప్యాయతలతో 

పలకరించేలా 

స్నేహ పరిమళములు

చిలకరించేలా  

మంచినె యెంచెలా  

మంచినె పంచెలా 

అందరికి

శుభములు జరగాలని 

ఆశిస్తూ, ఆకాంక్షిస్తూ 

డెందం నిండా ఆనందంతో

తెలుపుతున్నా నా ఈ 

నూతన వర్ష శుభాకాంక్షలు 

-----------------------------------------

* ఆందోళన *

రావలిసిన ర్యాంకులు

కోరుకున్న కాలేజి సీటులు

చదువుకు తగిన పదవులు 

సాయం మరచిన మిత్రులు

వలచి విడిచిన ప్రియురాలు

ప్రేమించి ముంచిన మోసగాడు

నడిరాత్రి కారడివిలో 

ఆగిపోయిన కారు,  

రిపేరు కొరకు

పరాయి దేశంలో 

నిలచిపోయిన విమానం

శ్రమకు తగిన గుర్తింపులు

యోగ్యతకు తగిన మర్యాదలు

పెరిగె వయస్సు, ఖర్చులు, వెతలు

పెరగని వేతానాలు,

చిరాకు పెట్టె కుటుంబ పరిస్థితులు 

పరాకు కలిగించె అనారోగ్య స్థితులు

ఇలా ఎదో ఒక సందర్భం 

మనలిని ఇబ్భంది 

పెడుతూనే వుంటుంది  

 

అప్పుడు మనమెంత

ఆందోళనకు

ఆవేదనకు 

ఉద్విగ్నతకు

గురవుతామో 

అది, మన మనస్సు పైన  

మనకు వున్న  

నియంత్రణ బట్టి వుంటుంది 

అయితే.. కొంతమంది

ఉరిని వరిస్తారు

విషమును హరిస్తారు 

మద్యం సేవిస్తారు 

depression కు గురవుతారు 

family ని destruct చేస్తారు.

ఇప్పుడు..కొంచెం  

Sunita  Williams

మరియు Wilmore  

గురించి ఆలొచిద్దామా..  

తొమ్మిది రోజులని, 

పరలోకానికి (space) పంపినపుడు, 

ప్రతికూల పరిస్థితుల వలన 

దిక్కు తెలియక 

పలకరించె ఆత్మీయులు లేక 

భుజం తట్టే స్నేహితులు లేక 

వారు అక్కడ ఆగిపోయినపుడు  

మూడు నెలలలో, అయిపోయిన fruits  

మూడుపూటల లేని రుచికరమైన పదార్థాలు,   

పదే పదే reheat చేసుకొని తిన్న food 

recycle చేసుకొని త్రాగిన నీరు  

బరువు తగ్గకుండ వుండాలంటే,

రెండు లేదా మూడు గంటలు వ్యాయమం 

 

ఎప్పుడు నిద్ర పడుతుందో తెలియదు

ఆకాశంలో నివాసం 

చుక్కలతో సహవాసం

రాజకీయాల, 

నాటకీయాలు వల్ల

తిరిగి ఇల్లు చేరుతామో లేదొ 

తెలియని స్థితి 

అప్పుడు.. వారు  

ఎటువంటి మానసిక దృఢత్వంతో 

గడిపివుంటారో ఊహించగలమా? 

మనకొచ్చిన సమస్యలు 

ఇంతకు మించినవా?      

ఒక పసిపాప, నవమాసంల తరువాత      

తల్లి గర్భం నుండి వచ్చినట్లు, 

తొమ్మిది నెలల తరువాత 

సునీత మరియు Wilmore 

పుడమిపై ఆడుగిడుతూ  

చెరగని చిరునవ్వుతో

చెయ్యి వూపినపుడు, 

జగతిలో చెమరని

కళ్ళను వూహించగలమా? 

మనం ఇప్పుడు అటువంటి  

మానసిక స్థైర్యం ను 

గుండె ధైర్యం ను 

ఆత్మ నిబ్బరం ను

ఎలా పెంచుకోవాలో 

మన పిల్లలతో 

ఎలా పంచుకోవాలో 

ఆలోచిద్దామా?
-------------------

*ఓం నమ: శివాయా*

*******

సాలీడు వలె నీచుట్టు   

గూడు నిర్మించలేను 

పణీంద్రుని వలె నీకు

మణులను పొదగలేను 

కరిరాజు వలె నీకు

తోయం(నీరు)తో 

అభిషేకం చెయ్యలేను 

కన్నప్ప వలె మీకు 

నా కన్నులు అమర్చలేను

మార్ఖండేయుని వలె 

తీవ్రమైన భక్తితో 

మార్కులు కొట్టయ్యలేను 

రావణబ్రహ్మా వలె

భీతికొల్పు రీతి

రుద్రవీణ వాయించలేను,

శివతాండవ శ్తోత్రం 

విరచించలేను, పాడలేను

నందీశ్వరుని వలె 

వాహనం కాలేను 

నిరంతరం నిన్నే

కాస్తు వుండలేను

శ్రీ ఆది శంకరాచార్య గారి

వేల శ్తోత్రములు వ్రాయలేను

మిమ్మలిని మెప్పించలేను  

పై వారంతా

అచంచల విశ్వాసంతో 

అకుంఠిత దీక్షతో

అనంతమైన భక్తితో

మిమ్మలిని కొలిచినారు

మీ అనుగ్రహం పొందినారు 

అయితే నేను..

ఏ క్రతువులు 

ఏ వ్రతములు 

ఏ మంత్రములు

ఏ తంత్రములు 

ఎరుగని వాడిని

రుద్రం

నమకం

చమకం 

పఠించలేని వాడిని 

శ్తోత్రములు

శ్లోకములు   

వల్లించలేనివాడిని   

ఏ తీరుగా కొలవాలో 

ఏ పేరుతో పిలవాలో 

తెలియనివాడిని 

 

అయితే.. 

ఒక మారేడు దళముకే 

బిల్వ పత్రానికే 

చిటెకెడు విభూతికె 

చెంబుడు నీళ్ళకె 

సంతసపడె 

మా సాంబడివని 

సులభ ప్రసన్నుడివని  

భోళ శంకరుడివని  

ఎరిగి 

మనసున నిన్నే తలచుకొనుచు 

భక్తితో కొలుచుకొనుచు 

శివా శివాయని పిలుచుకొనుచు 

 

వేడుకొనె నేను   

మాన్యుడిని కాను 

సామాన్యుడిని, 

గొప్ప ఋషిని కాను

సాధరణ మనిషిని 

మీ పాదముల తలనిడి 

కనుల నీరిడి

కరుణించమని 

వేడుకొనె మీ భక్తుడిని.

ఓం నమ: శివాయా!!
------------------------------

* శివుడు - నిరాడంబరుడు* 

ఆడంబరంలు  

అలంకరణలు 

ఆభరణంలు

తనకి తగవని

తెలిపె శంకరా!! 

శివ శంకరా!! 

శంభో శంకరా!! 

సోలర్ లాంప్‌గా  

వంకర శశిని 

సిగలో తురుముకొనగ

మీకు కరెంటు అవసరమేది?  

బిరబిర పరుగిడు గంగమ్మను

గట్టిగా పట్టుకొని  

జుట్టులో కట్టుకొనగా  

మీకు వాటర్ ఫ్రాబ్లమేది?       

పడగవిప్పి ఆడే నాగులను 

మెడలో నగలుగా  

దిగవేసుకొనగా 

మీకు వేరె హారములు దేనికి?  

మందమైన కరిచర్మమును 

లేదా

పులిచర్మమును ధరించె మీకు 

జీన్సు ప్యాంట్స్ దేనికి?  

దేహం నిండుగా 

భస్మము పులుముకొనె మీకు

మాయిస్‌రైజ్ క్రీములు

ఫెర్ అండ్ లవులీలు

పాండ్స్ పౌడరుల   

అవసరం ఏమున్నది? 

భువనములనేలే మీకు    

స్మశానమే నివాసంకాగా 

మీకు ఖరీదైన 

భవనములు దేనికి?

 

ముల్లోకంలు తిప్పగల 

నమ్మకమైనా వాహనం

నంది మీకుండగా 

BMW, BENZ లాంటి 

వాహనముల మీకు

అవసరమా?

శివా!! సదా శివా!!

మీ జీవన విధానం

సాధరణం యని తెలిపినా,

మేము పైన చెప్పిన

విషయవాంచల కొరకే 

పరుగిడుతాం 

అయినను మేము 

మీ సుతులం, సుతలం 

కావునా..

ఓ భక్త వల్లభా!!

సులభ ప్రసన్నా!! 

ఆలకించు మా మొరలను

కురిపించు మీ కరుణను 

--------------------------

**సంక్రాంతి శుభకాంక్షలు** 

మంచుకు తడిసిన 

ముద్ద బంతిపువ్వులు, 

చుక్కలు లెక్కపెట్టి 

చక్కని గీతలు గీసి 

మక్కువగ, ముచ్చటగా 

ముగ్ధలు వేసిన ముగ్గులు,

అ ముగ్గులలో, రంగులు     

వేయగా వచ్చిన 

కొత్త హంగులు, 

మధ్యలో కొలువు తీరిన

బంగారు గొబ్బెమ్మలు, 

పడుతులు చుట్టు చేరి 

పాడె గొబ్బిళ్ళ పాటలు       

గడపలకు పసుపుకుంకుమల 

పారాణిలు, 

ద్వారాలకు పూలాహారాలు,   

మావిడాకుల తోరణాలు,  

అన్నియు కలిపి 

సంక్రాంతి గృహాలకు

అమరే ఆభరణాలు 

ఎంకి పాటలు వింటూ   

పండిన వరి కంకులు 

ధాన్యమై ఇల్లు చేరిన వేళ, 

గరిసెలలో ధాన్యపు గలగలలు 

వంటగదిలో అరిసెల ఘుమఘుమలు    

 

వార్డు రోబ్‌లో చుడిదార్లు,

జీన్స్ ప్యాంట్స్ వల్ల 

వెనకు నెట్టబడిన

పట్టుచీరలను, ఇంతులు

కట్టుకొనగా, పట్టరాని 

ఆనందంతో మురిసెపోయె 

ఆ పట్టుచీరలు

మగవారి ధరించగా 

మెరిసిపోయె పట్టుపంచెలు    

 

అయితే..

బంగారు గనులున్నా

ఖరీదైన మణులున్నా 

అందరు తినేది అన్నమే 

త్రాగేది గోవు పాలే 

అలా తిండి గింజలు

పండించి మనకందించె 

హాలికులకు,  

పాలిచ్చె గోవులకు, 

వ్యవసాయంలో  

సాయం చేసిన ఎద్దులకు,

మనం ధన్యవాదములు 

(Indian Thanks giving) 

తెలుపుకొనె పండుగ 

అలా..  

ఇది ప్రకృతి పండుగ

పశువుల పండుగ

రైతుల పండుగ

పల్లెల పండుగ 

కుటుంబాల పండుగ
--------------------------

*calender మారితే*

----------------------

గతం జ్ఞాపకం

భవితవ్యం స్వప్నం

జ్ఞాపకాల, స్వప్నాల

నడుమ సాగేది 

మన జీవితం 

జ్ఞాపకాల పునాదులపై

స్వప్నాల భవనాలు

నిర్మించుకోవాలి 

అయితే..గతంలో 

మంచి పనులు

మంచి విషయాలు

మంచి ఆలోచనలు

మంచి భావాలు

పోగు చేసుకొనిన

భవిషత్తు అనే భవనం

పటిష్టంగా వుంటుంది 

పాత తలపోతలు

పాత అలవాట్లు

పాత బలహీనతలు

అన్నీ మోసుకొని

నూతన వర్షంలో 

అడుగిడితే

పాత మనిషిగానె 

మిగిలిపోతాం  

పబ్బు Time

మబ్బు Time

పబ్బం Time

అయిపోయాయి

కావున...

బద్దకాన్ని బద్దలు కొట్టి 

అల్పత్వం, అనిశ్చితిని విడిచి

అహ్లాదం, అనందమును వరించి 

ముందుకు సాగాలి  

పనులు వాయిదా వేయడం 

అంటే

అందుకోలేని రైలు వంటిది.

దానివల్ల ఎంచుకొన్న 

కొత్త లక్ష్యాలు, కొత్త గమ్యాలు  

చేరుకోవడం అవుతుంది దుర్లభం.  

      

యోచించకు గతంలో చేసిన పుణ్యం  

పెంచుకో నిత్యం కొత్త నైపుణ్యం 

 

కావున..

క్రొత్త పరిజ్ఞానం,

క్రొత్త సాంకేతికత(AI)ను

అలవరచుకొంటూ

కొత్త సంవత్సారానికి 

కొత్త తరానికి తగిన 

కొత్తమనిషిగా మారి 

ముందుకెళ్ళదాం

నేడు పొందె ఆనందం 

పరిమితిలో వుంచుకొందాం

రేపటి ఆనందాన్ని 

హారించకుండ చూసుకొందాం 

సమయాన్ని

కొంత సంపాదన కోసం 

కొంత కుటుంబం కోసం

కొంత దేహం కోసం

కొంత సమాజం కోసం   

కేటాయిద్దాం  

  

అలా కాకున్నా.. కేవలం 

calender మారుతుంది 

wonders ఏమి జరగవు 

తేది మారుతుంది 

మరేది మారదు

=========

*అభిమానులం*

మేము అభిమానులం

మా హీరోస్ ని, 

మా కుటుంబ సభ్యులకన్నా

అధికంగా అభిమానాస్తాం,

ప్రేమిస్తాం

కావాలంటే మా ప్రాణాలిచ్చేస్తాం

అంతేగాని 

తగ్గేదెలేదంటాం

ప్రాణాలకు తెగించి లేదా  ప్రాణాలను అర్పించి

తీవ్రవాదులను మట్టుబెట్టిన

నిజమైన హీరోలైన

ముకుంద్ వరదరాజన్,

మేజర్ సందీప్ ఉన్నిక్రిష్ణన్ లాంటి వీరులకు, 

లేదా

మంగళయాన్, చంద్రయాన్

వంటి, ప్రాజెక్టులను, విజయవంతం చేసిన

శాస్త్రవేత్తలకు

మేము అభిమానులం కాము, కాలేము.

వీరంతా రియల్ హీరోలే,

కోట్లతీసుకోకుండా, 

కేవలం

వేతనం తీసుకొని, 

దేశంకోసం పాటుబడిన

గొప్పవీరులే వీరు.

అయినా మేము వీరికి

మేము అభిమానులం కాము, కాలేము.

ఎందుకంటే వాల్లవి 

అన్నీ బోరింగు స్టోరిస్

అదే ఒక్కడు,

300 కోట్లు తీసుకొని

తాళ్లు కట్టుకుని,  

వంద మంది

మహాబలశాలులను, 

ఎగిరెగిరి తన్నుతూ, 

కొడుతూ వుంటే, 

ఆ మహాబలశాలు 

కొట్టగలగికూడ దెబ్బలుతింటువుంటె

వేలు ఖర్చుపెట్టి, 

టికెట్లు కొని

ఆ అబద్ధాన్ని చూసి, 

మనం ఆనందించుతాం.

ఈ రీల్ హీరోలు, 

ఈ fake హీరోలే

అయినా వారే

మాకు స్పూర్తి

ఈ fake హీరోగాల్లకు 

మన భాష రాదు

ఏ పరాయి భాషవాడో

తెలుగు ఖూనీ చేస్తూ

గాత్రం సంస్కారం లేకున్నా

పాడిన పాటలకు

ఎగెరెగిరి గెంతుతారు. 

అది వ్యాయామమో, 

సర్కస్, డాన్సో అర్థం కాదు 

 

ఇలా మన భాష పైన

గౌరవంలేని,

fake హీరోల

సినిమాలకు, 

మనం వేలు

ఖర్చుపెట్టి 

వారు

సమాజానికి, మరింత చెడు చేసేలా, మనం మరింత తోడ్పుతున్నాం.

So, 

రియల్ హీరోల కన్నా

రీల్ హీరోలకే

మనం పిచ్చ 

అభిమానులం.

ఎందుకంటే

అబద్ధం అందంగా

వుంటుంది

కాబట్టి

=================